sabato, marzo 29, 2008

A liggi maggiuritaria - di G. Bonura

M-paisi cu sta liggi maggiuritaria
c’è ‘n-silenziu ‘n-chiazza e nne strati
pari chi a genti fussi comu frati
prichì finu sta liggi ugualitaria

E nan c’è chiù tuttu ddu ciurmulizzu
‘n-quantu i Sinnachi duranu cinc’anni
e s’hannu fattu beni o tanti danni
cu vidi nni stu paisi murtizzu

chinu di vecchiti chi so malanni?.
Tantu chi sulu ‘ i ziu Pipinu u rizzu*
va nno Cunsigghiu chi so' sittant’anni

ristannuci siccu comu marvizzu
pi ddu parrari vacantu ri canni
e vidennuli lisciarissi u pizzu

dissi pari parizzu:
“C’a pruporzionali, nan c’era nenti
ma quarcosa si mittiva nne denti.”



* Nome fittizio.


Giuseppe Bonura

Mirabella Imbaccari, 5.10.2003

Nessun commento: